Thursday, May 28, 2009

Selamat Ari Gawai Dayak

Tusah serta sinu ati taun tok laban ke enda ulih pulai ke menua berserimbai ngau pengerami Gawai Dayak ti ka datai tok. Jarang amat enda pulai gawai ke menua. Ngasuh ati tambah sinu laban demalam indai aku kol madah kediri pulai sampal ke Sebuyau. Bala menyadi nyau ka sampal pulai taun tok. Semina tudah aku enggau aka aku Edwin ke enda ulih pulai. Akai, cukup sinu amat ati enda ulih pulai. Enda pulai ukai ketegal menua jauh, tang kelalu mayuh pengawa ke perlu di gaga enggau di anjung ngagai supervisor. Enti enda ketegalnya, sigi udah aku ngejang kediri pulai ngerami gawai enggau bala di menua. Aku sigi jarang enda pulai lebuh maya gawai. Nadai pengerami bukai ti ulih nanding ke pengerami gawai kitai. Tu meh maya kitai bisi awak betemu enggau bala apai indai, madi engkau kaban belayan serta suku juru. Tambah mega tok meh maya kitai sama-sama bebela ke bala kaban enggau bala pengabang ke bukai nanda ke kitai cukup berterima kasih ngagai Tuhan ke jereki ke di beri Ia ngagai kitai sepemanjai taun.

Engka lain mimit gawai taun tok bebanding enggau taun ke bukai-bukai laban kami sebilik agi berasai puang sepengudah pemegi aka tuai aku bulan dua belas suba. Ia ke ndi asuh nyaga menua ngelama tok. Enti kami semadi pulai gawai sigi nuju rumah ia. ngelama tok. Tang taun tok sigi berasai amat penadai aka akunya. Udah la ngelama tok sigi ia ke selalu udu bangat gaga enti ninga rita bala madi ia pulai. Suah tudah ia kol laban ka "confirm" nyadi ke enda kami pulai. Nama udah datai ba pala tangga, dia meda ia gaga ati lalu enda badu-badu tuchum lalu sibuk ke atas ke baruh laban cukup gaga ati. Lalu disedia ia macham-macham utai ke bala indai, madi enggau bala anak buah ia ke pulai mayanya. Nadai ko enggau, Tuhan lebih sayau ke ia. Aku ke ba menua jauh tok pun berasai amat puang sepengudah ke ia nadai lebih-lebih agi beserimbai enggau ari gawai tok.

Cukup enda rindang ati seminggu-minggu tok laban ke enda enggau bala begawai ba menua. Taja pan mayuh pengawa, tang nadai bisi ati ka gawa. Tambah tusah ati, laban nadai bala Iban tauka Dayak bukai begulai sama belajar enggau aku ba Uni tok. Semina siko indu Bidayuh. Ia sama mega enda ulih pulai taun tok. Tuai ia sama-sama bangat sinu ati. Sama ngerindang ati pangan diri meh tuai ia. Nadai ko enggau, taun dudi kini pulai enti nadai penanggul.

Enggau awak tok, aku meri selamat ari gawai dayak ngagai bala kami sebilik, bala kaban -belayan, bala kaban dini-dini endur sida diau enggau semua orang DAYAK ke diau serata menua. Besampi ngambi ke terus diberkat Tuhan, panjai umur, murah jereki enggau sama-sama ngiga insur ngambi ke bansa kitai terus maju nitih ke bansa bukai serta pemaju dunia IT kemaya ari tu. SELAMAT GAWAI DAYAK 2009......

Saturday, May 23, 2009

Preston Market



Enda berasai nyau datai baru ari enam. Pejam enchelak, pejam enchelak, nyau enda berasai ari bertukar ganti. Tambah enti mayuh pengawa, enda berasai amat ari nyau bertukar malam. Tusah ati belama laban pengawa enda tembu-tembu. Pengawa belajar tok sigi enda nemu tembu pengawa. Nya meh ngasuh ati majak tusah belama laban udu berunding ke pengawa ke dipelajar. Nya meh pengidup sepemanjai ke udah sekula baru tok.Ninting ari pengawa thesis ajak-ajak di dalam runding. Nyau enda berunding ke utai bukai. Saritok tadi aku mutus ati enggai ngawa pengawa Thesis. Ka rilek ko jako. Dani pagi sekitar 7 pagi kami ditok lalu nyelungkar fridge laban perut ke berasai lapar. "Apu!, nyau nadai agi utai dalam fridge tok,"pia ko aku bejako kediri. Bala dagin enggau ikan nyau nadai agi. Enti baka tok enggai nyadi enda ke market ko aku bejako dalam hati. Aku lalu mandi laban ka nyedia kediri ka nurun ke market. Bebeli ke bala lauk enggau barang dapur ke nadai. Ditu bisi supermarket ke semak, tang masalah ia sida nadai berjual utai ke fresh baka bala sida ikan. Manah aku nurun ngagai Preston Market pia ke aku. Preston Market tok baru bisi berjual utai ke macham-macham. Bisi bala ikan, dagin, sayur, baju enggau macam-macham utai ke bukai. Enda nyalah baka tamu/market bintulu kitai din tang nyelai mimit laban ia bisi berjual ke bala baju enggau macham-macham utai ke bukai. Market tok jauh mimit ari alai aku diau. Lebih kurang 20-30 minit. Tang laban ke ka begiga ka ikan fresh, terpaksa la kin. Supermarket ke semak nadai berjual ke bala ikan.

Datai ba market meda mayuh amat orang. Akai, terpaksa berebut bebeli ke utai. Aku sempat meli ikan red snapper, ikan ke baka ikan kembung, dagin enggau bebeli ke sayur. Enda ga nyangka bisi ikan red snapper ditu. Enti masak kari tauka masak asam nyamai pia ko aku. Udahnya aku singgah ba Asian Market laban ka meli rempah kari enggau masam asam ke udah dalam bungkusnya (instant paste baka rempah adabi). Nyamai enti berapi ngenanya. JAmpat enti maya berapi. Haha...Aku laban ke enda nemu nama rempah kena begaga ke kari enggau masak asam, manah agi meli ke udah dalam bungkusnya.

Udah puas ati enggau utai ke udah dibeli, aku lalu mupok ke diri ngena tram. Enda mukai-mukai, dalam pejalai tram lalu berenti. Enda nemu nama kebuah tang lama ga nganti. Udahnya driver bejako madah ke manah kami ke numpang tramnya nurun dulu laban bisi tram belantak di depan kami ko ia. Enda nemu kemaya ulih tembu ngalih ke tramnya. Akai, masalah amat. Tram tok ngetu enda jauh ari padang orang ke main football. Nyebut pasal football, ukai main bol baka kitai din. Tok lebih kurang baka American Football. Enti main bol ko kitai din, soccer ko sida ia ditu. Aku lalu nurun ari tram. Semadi nganti tram ke bejalai baru, manah agi aku meda orang bermain. Lebih kurang 30 minit udahnya baru tram bejalai baru. Alu lalu mupok ngemulai kediri. Nyau lemai baru datai di rumah. Perut pun nyau lapar. Aku lalu berapi manduk bakuteh laban bisi meli rempah ia tadi. Udah makai aku lalu ninduk ke diri. Haha..lelak amat asai isi. Lemai juging muai peluh enggau lemak ari bakuteh ka di empa tadi. Pama meh, muai lemak sekeda. Udahla ditu tusah amat ka berpeluh laban semampai chelap. Panjai amat cerita aku ba post kali tok. Ngetu dulu aku. Ila bertemu baru...Mupok aku..

Sunday, May 17, 2009

Eagle Bar & Oldtown Kopitiam

Ba U endor aku belajar ditu bisi tempat alai student lepak kena ngelantang ke ati leboh maya udah lelak belajar (kenu ko jako..haha). Tempat tok di kumbai Eagle Bar. Ba bar tok bisi endur alai main pool, main games ke ba machine enggau bisi mega bejual ai bisa ko kitai. Kadang-kadang sida ngaga macham-macham pertandingan enda ngira pekit belagu, belaban pengering maut lengan pangan diri, pekit main music lalu macham-macham pekit ke bukai. Pengawa tok selalu di adu maya malam ari empat. Lalu maya ari empat mega bar tok dibuka sampai ke pukul 1 pagi. Ari bukai ia tutup dalam pukul 7 lemai bakanya. Ari empat tok tadi aku cuba ngeruh ai enggau orang lepak dia enggau bala kaban ke mai aku. Cukup mayuh bala student lepak dia. Pemayuh student lepak bertambah lebuh maya nyau majak jauh malam. Nyau penuh barnya jamah bala student ke lepak laban kena muai pengelelak laban ke udah bendar belajar kenu ko jako. Tambah malamnya bisi pekit karoake. Nya ngasuh nyau penuh kini. Ai dijual enda ga mar gilak. Enti ai beer, dalam AUD10 sejug bakanya. Sigi dijual murah pelaba aku laban orang ke lepak ditok sigi bala student. Nya kebuah rega ai enda entu mar baka ke ba luar.Manah amai ga U ba menua Australia ditu laban ke bisi nyedia tempat baka tok. Enti ba menua kitai din, nyampau tau ngaga tempat baka tok ba sebelah U. Nya meh, lain menua, lain ga atur ia. Bisi pemanah, bisi gak penyai ia.

Ari enam tok tadi mega aku bejalai ngagai rumah kaban aku ka ba Melbourne ditok lalu bermalam ba rumah ia. Pagi tadi ia mai aku makai ba siti restoran Malaysia. Nama restoran tok ianya Oldtown Kopitiam. Macham-macham pemakai Malaysia dijual ditok baka nasi lemak, asam pedas, kari ikan, kari manuk, cendul, bakuteh, enggau macham-macham pemakai ke bukai. Nyamai amat ga belelang ba menua Australia ditu laban enda susah ngiga pemakai menua kitai din. Aku selalu ga mansa tempat endur restoran tok tang enda perasan ke bisi restoran tok ditu laban ngelama tok bejalai mata malik ke bukai...haha...Aku ngoder nasi lemak berlauk rendang dagin enggau ssambal suntung lalu ai laici. Cukup nyamai nasi lemak di panduk taukeh ba restoran tok. Lama enda makai nasi lemak ke nyamai bakanya. Lalu cukup mayuh diberi sida. Enda baka ba menua kitai din, cukup mimit enti ngoder sepingai. Cukup tepantut ati laban udah lama tetenguk ka makai nasi lemak..Nya enda tepeliur kita..haha..Nadai ngawa bala kaban ka diau ba menua din, dani tumu pagi ila alu terus ke kedai mamak makai nasi lemak enti terpeliur ninga cerita aku tadi...Mupok dulu aku...

Sunday, May 10, 2009

St Kilda Beach , Australia

Udah pulai sembahyang lalu singgah belelak enggau lepak ba beach enda lama sambil makai tengah ari. Cukup manah beach tok. Beresi amat tempat ia. St. Kilda Beach tok nyamai di lawa laban mayuh public transport ulih pegi kitu. Feri ke di peda dalam gambarnya di kena orang ngagai Tasmania, ianya siti menua ke dipegai Australia tang ia diau ba pulau sigi. Indah baka Pulau Langkawi kita ba Malaysia din. Bedau kala kin tang ninga cerita ke di tusoi bala kaban. Ko sida ke udah kin madah manah menua Tasmanianya. Enti bisi ari pagi ila lusa engka ka bejalai kin, sambil-sambil meda menua. Enti ngena feri ke Tasmania, pejalai ia lebih kurang sepuluh jam. Tang enti ngena bilun, enda ga tentu lama pelaba aku. Kami sebuat mupok ari beach tok udah makai tengah ari. Terus pulai ke rumah laban mayuh pengawa lalu empai di gaga...Mupok aku...


Sembahyang Ari Minggu Sempena Ari Indai


Sembahyang pagi tadi ba City enda jauh ari St. Kilda Beach. Sembahyang ari minggu lalu beserimbai enggau Ari Indai lalu bisi sembahyang ke bala indai-indai sempena Ari Indai. Lalu bisi mega pengawa baptisa ke bala anak mit.

Terubah ia ngagai gerija tok. Aku laban ke nitih bala kaban ka udah nemu alai ditu ,tak nitih ke sida aja. Bedau tentu nemu menua ditu tudah aku. Nya alai nitih ke bala ajak meh. Janji bisi alai sembahyang. Pama gak penyauh gerija tok ari alai aku diau. Bisi ka 40 minit baru datai ba gerija tok. Tang Gerija tok cukup manah laban ia semak tasik ke di kumbai orang St. Kilda Beach ba Melbourne ditu. Mayuh gak orang sembahyang sari tok. Engka berserimbai enggau Ari Indai, mayuh orang ka besampi ke bala indai -indai.

Tuk nyengkaum aku empu ke ka besampai ke indai aku ngambi ke umur ia panjai, gerai lalu semampai diberkat Tuhan belama. Amin. Pia mega ngagai mami, ngambi ke sentiasa gerai lalu teguh dalam pengarap enggau enda mudah patah semangat lebuh maya penguji datai. Ngagai Indai, terima kasih ke pengasih enggau penyayau ke di beri nuan. Enda ulih di balas enggau jako tauka tulisan laban nadai utai ulih nanding pemanah, pementas enggau penyanyau ke udah di beri nuan. Selamat Ari Indai.

Monday, May 4, 2009

Pesta Satay ba Boxhill



Bisi enggau orang begau ke pesta satay ba Boxhill ari minggu tok tadi (3/5/09). Kebatang ia pengawa tok di kumbai Perhimpunan Warga Indonesia di Victoria. Sambil-sambilnya mega sida bisi berjual ke utai ke di empa (pemakai ke datai ari menua Indonesia).Tok nyekaum satay, rendang, kuih, bakso enggau macham-macham pemakai ke bukai. Nya kebuah pengawa tok lalu di kumbai pesta satay laban senang agi nyebut ari nama even ke bendar. Aku di bai landlord aku kin laban ia sigi asal menua nyin tang udah nyadi PR ditu lebih kurang 16 taun ke udah. Dia aku meda cukup mayuh bansa Indonesia ba menua Australia ditu. Ketebal agi sida tok berbansa cina Indonesia. Mayuh sida tok ngidup ke diri ditu enggau pengawa bisnis. Macam-macam bisnis di gaga sida. Tang mayuh ari sida ngaga bisnis pemakai laban ko sida murah amat enti ka apply lisin ngaga bisnis pemakai. Sida tok sigi cukup pintar ngidup kediri.

Nyau baka ke meda drama Indonesia tudah aku laban sida tok sigi berandau ngena bahasa sida. Mayuh gak bansa ribai ke datai ngulu pengawa tok. Engka sida tok ke nguji pemakai orang Indonesia. Semak 2 jam dia kami sebuat lalu mupok.