Ngelawa Menua Balingian

Jalai masuk ke rumah panjai

Kena ke ari enam tok tadi (27/9) aku bisi ngelawa menua Selangau ngau Balingian...Tuju bejalai kin kebatang ia ka ngambi Raja Dagin dikena BBQ malamnya ba rumah kaban aku ba Taman Universiti. Berangkat ari Bintulu kurang lebih 9.10am lalu datai ba Selangau lebih kurang pukul 11.15am bakanya. Ngetu lalu lepak ba Pasar Cowboy Selangau sampai kul 1.30 bakanya sebedau berangkat ke Bawang. Menua Bawang nda jauh ari simpang Mukah lalu mayuh rumah panjai bekongsi ka simpang tok. Menua baka Bawang, Kemena, Tau ngau bisi mega rumah panjai ke bukai. Jalai masuk simpang empai di tar. Agi ngena jalai berbatu-batu. Tang sigi utai ke cukup ngalit ke ati, ba ujung jalai tok bisi quarry - kilang batu ke dikena orang begaga ke rumah, building ke besai-besai, ngau jalai raya. Nama kebuah menua tok empai di beri jalai TAR nadai ga kitai nemu. Ari simpang masuk ngagai rumah panjai ke di tuju lebih kurang 20 minit. Raun dulu sepemanjai jalai ngagai quarry ngau ngagai sekula. Datai ba rumah panjai Apai sigi udah nganti. Nulung Apai bebela ke raja dagin sebedau ngejang ari rumah panjai lebih kurang pukul 3.45 pm lalu datai ba bintulu lebih kurang 5.15pm. Pengawa bepanggang lalu on udahnya sampai ke malam. Terima kasih ngagai Bro. Dom ke udah mentas ati seponser (sponsor) ke raja dagin. Pengalaman bejalai ke rumah panjai sigi cukup rindu. Tok udah tiga kali aku ngelawa menuanya. Ngagai Apai, Indai, Indai Umang ngau Apai Umang, terima kasih laban nda kala leju nerima penatai aku.

Sungai Kemena

Sungai Bawang
Siti ari Rumah Panjai ke bisi ba menuanya

Sekula primary

Quarry