Amat jarang-jarang menua/rumah panjai kitai kemaya diatu bisi agi bersimpan ke 'Antu Pala'. 'Antu Pala' means in the language of the Iban people - human skulls/human heads, which were once gathered by warring Dayak tribesmen as trophies of war. Antu pala tok di ulih orang kelia menya nanda ke sida udah mujur maya Nganyau. Mayuh udah rumah panjai sigi enda nyimpan antu pala agi laban sida nyau udah nitih ke pengarap kediri empu. Ya ke mayuh agi pelaba aku ,tebal agi bansa kitai Iban udah nitih ke pengarap Kristian. Ba menua kami di Sebuyau sigi jarang bepeda ke antu pala agi. Ya ke di kingat ke aku sigi enda kala meda antu pala sigi ari mit suba. Enda nemu ba menua bukai ba sebuyau laban menua Sebuyau tok ukai mit tang di uwan mayuh kampung enggau bisi dua tiga igi rumah panjai. Gambar antu pala tok di ambi aku leboh maya nemuai ke siti rumah panjai ba menua Saratok sarinya. Cukup temegah ga meda utai kebaka tu laban tusah amat ka meda utai baka tu kemaya ari. Kati runding bala temuai blog?. Kati asai utai baka tu patut ke enda dikembuan/disimpan ke kitai agi nanda ke kitai tok turun temurun orang ke ngasu kelia munya(siti ari adat kitai Iban) tauka ia dibuai laban kitai udah nitih ke pengarap kitai diri empu. Aku tusah ga ka meri penemu ba senentang tok laban sigi nadai nembuan utai baka tok bepun agi ari mit kelia.
10 comments:
Neil,
aku kala meda utai nya lebuh maia mai staff Jepun kami bejalai meda rumah panjai ba area Sebauh, but I can't remember rumah panjai ni. At that time the owner minta RM enti sidak Japanese nya ka ngambi gambar antu pala nya suba.
Bibie: Sigi patutnya bie..enka petua/pantang larang kini..hehehe..
hi bujang sebuyau! manah & rindu meda berita dlm blog nuan tu! kala nuan udah niki rumah panjai di saratok ka agi ngembuan antu pala neh, it's rumah panjai di lubuk kepayang ke?
hi farah..tq v much..nda aku ingat ke nama rumah panjainya, tang enda jauh ari primary school...nama school puna ku nda ingat..haha..nemuai selalu
Cukup manah blog nuan tu unggal laban gambar ke bisi ditu ulih dipeda kitai ke anembiak baru lalu bekunsika nya nggau semua orang. Aku temgah ati enggau bansa kitai Iban laban antu pala tu nyadi siti tanda kitai bansa iban bansa ke berani. Diatu kitai ukai berani kak mumpung pala munsuh kitai agi,tang pumpung meh "ilmu" tauka "knowledge" awakka bansa kitai betambah mansang sama enngau bansa bukai.Arapka bujang sebuyau meri myh g gambar..
Dom imun:..terima kasih unggal laban udah ngelawa blog tok...pia meh, sama2 meh kitai bercerita dalam basa iban lalu temegah ati laban kitai tok bansa iban ke cukup kaya enggau adat...
bujang sebuyau..uji bantaika sekeda ari rampa menua sebuyau..aku rindu matau menua orng..n nemu ku ila ulih rembus bak menua kitak d sebuyau..
ila kitai becherita ka kanang anak langkau kak d unggal..siku soldadu kitai iban...nadai orng nda ngelala ia tu ketegal pemerani ia ngelaban komunis kelia.
Dom Imun:..minta ampun unggal, nadai mayuh gambar menua sebuyau aku unggal laban ke udah lama enda pulai..tang nti ka ke sebuyau maya diatu senang amat unggal..bisi jalai ari kuching tauka kota samarahan...Enda jauh ari kuching, kira 2 jam tauka lebih mimit la..Pasal Kanang sigi manah amat ceritanya unggal..bisi pelaba aku bala bup betulis ka cherita pasal Hero Berani kitai tok..
nya meh...aku diatu benung ngiga jerita kanang bak skeda kedai bup bak perak ditu..nyangka bak sarawak ila nyamai g alai begigaka bup jerita kitai iban plaba ku..
Post a Comment