La Trobe University, Victoria, Australia

*Pictures courtesy of Yusry Kamen - La Trobe University

Pulai ke Melbourne

Cukup lama enda nyenguk ruai tok. Cukup nadai masa amat ka nulis.

Baru udah mulai ke diri ke Melbourne ujung bulan 9 tok tadi...Sepengudah pulai ngaga 'data collection' ba Selangor lebih kurang 4 bulan...Berasai lembau amat isi ngemulai ke diri kitu..Cukup nyamai asai pengidup diau ba menua diri empu...Tang nadai ko enggau..Enti nadai utai ke perlu ditembu ditu, sigi enda aku pulai...Datai ditu nyau terpaksa ga ngubah pendiau diri ngambi ke ulih menyesuaikan diri enggau cuaca ditu..Cukup chelap taja udah masuk musim 'spring'. Semina minggu tok tadi baru keluar matahari. Nya baru berasai nyamai. Udah tok bulan november nyau masuk musim ' summer'. Akaiiiii!!!...Enggai amat aku musim 'summer'. Nadai utai lebih panas agi ari musim 'summer'. Cukup panas. Jauh lebih panas ari menua kitai. Tang nya meh, nadai ko enggau. Nadai agi endur ke ngelari ke diri. Ka mulai ke diri ke Malaysia engka mar tambang bilun mayanya. Tambah mega mayuh amat pengawa. Engka bisi ka bejalai ngagai Tasmania kini bulan 12 ila. Lelak amat meda bup aja-aja.

Bah, mupok dulu aku...

Umur Majak Tuai

Kuala Selangor 22/7/2010

Jalai - Jalai Cuci Mata 5 - Gold Coast, Queensland (3-7/4/2010)

Jalai - Jalai Cuci Mata 4 - Brisbane, Queensland (3-7/4/2010)

2010 Taun Enda Manah????

Saritok genap 40 ari kita dah masuk tahun 2010. Cukup enda berasai ari beganti. Tang mayuh amat berita enda tentu manah ba menua sepemanjai ke masuk bulan January tok tadi. Majak nerima berita ke enda tentu manah ari kaban belayan di menua. Bepun ari Indai kaban rapat aku ke udah nadai pun bulan satu sarinya. Umur indai kaban aku tok agi biak amat. Bedau masuk 50. Tang nyau udah nadai laban peyakit malaria empai lama kita masuk taun baru tok tadi ba Sibu din. Kasih aku meda kaban akunya. Tudah pulai ke menua lebuh cuti christmas tok tadi. Ko jako ka berami enggau bala apai indai enggau kaban belayan. enda mukai - mukai nyau baru ke mupok ke diri pulai ngagai KL baru tak ningga berita indai ia nadai. Enti udah lama sakit enda ga ngawa, mungkin kitai ulih nerima. Tang tok sakit 2 3 minggu aja lalu terus mai nyawa ia.

Baru seminggu udah indai kaban aku nadai, sekali agi aku nerima berita ari bala madi madah ke anak cousin aku ba Kuching udah nadai. Akaiiii!...nyau tekenyit amat asai ati. Tok sigi agi kes bebadi lebuh umur agi biak. Pelaba aku umur anak cousin aku tok empai masuk 45 taun. Aku enda nemu nama penyakit ia, tang ko sida madi aku ia sigi udah lama sakit. Tang ukai sakit ke garing-garing gali ba palan peninduk bakanya. Ia tok regas. Baka orang ke enda sakit. Sekali ningga brita ia masuk sepital lalu terus naban ke nyawa ia. Pelaba aku umur anak ia ke paling biak agi biak enda. Lebih kurang 14 tahun bakanya. Agi aku ingat, anak ia ke biak tok ada maya aku mula-mula masuk UiTM kelia. Maya aku ngelapor diri ngagai UiTM, mayanya mega ia ada. Cukup ia pementas anak cousin aku tok. Tang, nya meh, nama Tuhan udah sayau ke kitai, sigi di ambi ia bila-bila masa tajapun kitai empai besedia.

Selang seminggu lebih udahnya, sekali agi aku nerima sms kaban aku ke diau ba Bintulu. Ia madah ke Apak ia baru udah nadai. Akaiiiiii!..pia ko aku sekali agi. Nama meh brita pemati enda badu-badu dalam bulan Januari tok tadi. Nyau teduduk aku nerima berita kaban akunya tadi. Aku cukup rapat enggau family kaban aku tok. Nyau udah baka diri menyadi. Keluarga kaban aku tok nyau udah baka keluarga aku empu. Ditu meh aku "menumpang kasih" lebuh maya aku di Bintulu. Keluarga sida tok pun cukup mentas. Nya ngasuh aku nyau sedih amat laban nerima berita pemati Apak kaban aku tok tadi. Tudah tuai sigi nyau udah lama sakit jamah "stroke" lebih kurang 10 tahun ke udah. Masuk ke 2 tahun pengujung tok sebedau ia pegi penyakit tudah nyau majak raya. Ngujung ke tudah ia pegi bulan satu tok tadi. Kasih amat. Ila lebuh maya pulai ke Bintulu, nadai meh aku meda tudah agi.

Tang nadai ke enggau. Munyi ko jako aku tadi. Tuhan lebih sayau ke sida ari kitai ke agi idup tok. Aku besampi ngambi ka roh sida diau enggau selamat ba dunya baru sida ba serega. Arap ka TUHAN ngemata ka sida serta ngampu ke segala penyalah enggau dosa sida. AMIN............

Jalai - Jalai Cuci Mata 3 - Puffing Billy

Tempat tok dikumbai "Australia's favourite steam train". Landasan kereta api "steam" tok di gaga kelia munya (lebih kurang awal tahun 1900s kelia). Tang landasan enggau train agi dikena sampai ke diatu tang semina mai temuai enggau pelancong aja la. Landasan kerata api ia ba atas bukit lalu agi ngenan ke laluan asal ia ari Belgrave ngagai Gembrook. Lalu sepemanjai pejalainya kitai ulih meda pemanah Dandenong Ranges.

P/S:..Photos by Yusry Kamen