Antu Pala

Amat jarang-jarang menua/rumah panjai kitai kemaya diatu bisi agi bersimpan ke 'Antu Pala'. 'Antu Pala' means in the language of the Iban people - human skulls/human heads, which were once gathered by warring Dayak tribesmen as trophies of war. Antu pala tok di ulih orang kelia menya nanda ke sida udah mujur maya Nganyau. Mayuh udah rumah panjai sigi enda nyimpan antu pala agi laban sida nyau udah nitih ke pengarap kediri empu. Ya ke mayuh agi pelaba aku ,tebal agi bansa kitai Iban udah nitih ke pengarap Kristian. Ba menua kami di Sebuyau sigi jarang bepeda ke antu pala agi. Ya ke di kingat ke aku sigi enda kala meda antu pala sigi ari mit suba. Enda nemu ba menua bukai ba sebuyau laban menua Sebuyau tok ukai mit tang di uwan mayuh kampung enggau bisi dua tiga igi rumah panjai. Gambar antu pala tok di ambi aku leboh maya nemuai ke siti rumah panjai ba menua Saratok sarinya. Cukup temegah ga meda utai kebaka tu laban tusah amat ka meda utai baka tu kemaya ari. Kati runding bala temuai blog?. Kati asai utai baka tu patut ke enda dikembuan/disimpan ke kitai agi nanda ke kitai tok turun temurun orang ke ngasu kelia munya(siti ari adat kitai Iban) tauka ia dibuai laban kitai udah nitih ke pengarap kitai diri empu. Aku tusah ga ka meri penemu ba senentang tok laban sigi nadai nembuan utai baka tok bepun agi ari mit kelia.

Ujan Ujan Ujan

Nadai ngetu-ngetu ujan ba menua Bintulu seudah tahun baru 2009 tok...Tiap-tiap malam sigi semampai ujan...Nyau jarang-jarang meda mata panas...Aktivi pun mayuh enda bejalai laban ari ke semampai lembab...Paling teruk malam ari enam tok tadi..Ujan besai beserta ribut ke balat udah nuntung menua Bintulu...Laban ke pansut lepak malamnya, dia aku meda pun kayu ambis tumbang sepanjai Jalai Tg. Batu...Sepiak jalai enda ulih di kena malamnya laban pun kayu ke tumbang...Enti suba-suba, bulan 12 sigi di temu kita musim ujan..tang nyau datai ke ujung bulan 12, musim ujan nyau belabuh ngetu...Kemaya diatu, musim cukup nyelai...Ujan ngau panas enda tentu bermusim...Baka taun 2008 tu tadi, musim ujan ke lebih agi lalu nadai ninga menua bisi ditinggang musim kemarau....

Nephew aku bisi sms malam ari enam sarinya madah ke ba menua Sebuyau din ai benung niki lalu mayuh mega rumah udah ditiki ai bah...Menua kaminya sigi jarang amat dituntung bah tauka banjir...Semina musim la nina (betul ka tok?) suba baru sekali...Tang ko nephew aku, banjir sigi besai potensi ka nyadi ba menua din...Kasih ga ninga rita sida ba menua kuching, Bau, Serian ngau Simunjan termasuk Sebuyau dituntung penusah bah tauka banjir baka tu...Nyelai amat gaya ari diatu....Cukup enda ulih dipelabaka....Bersampi ngambi ke ari majak manah ngambi ke penusah bah tau enda nyadi ba menua kitai diatu...Ukai nyamai enti di tuntung penusah tok...Ukai semina reta tengkira tau nyau, salah aribulan tau bebai ke nyawa tauka tau ngasuh bebadi....

Pagi tok tadi ujan ga ari di Bintulu ditu...Cukup malas nurun kerja laban ke cukup nyamai rilex maya ujung minggu tok tadi...Pulai breakfast tadi aku bisi nerima berita ke cukup manah...Tang bedau bisi black /white agi la...semina beritanya cukup manah ba aku...Utai ke di anti-anti aku ngelama tok...Enti udah confirm ila aku bekongsi ngau kitai ba blog aku tok...Besampi meh selalu ngambi ke ia mujur....Chow dulu

Happy New Year 2009

Apuhh, baru masuk office sari tok seudah ngambi cuti panjai bepun ari 23rd disember last year (hehe..munyi ke lama amat cuti)...Office nyau terberunsai jamah ke chet/chit...enda nemu nama utai ke di giga sida ba bilik aku tok...engka sida minyau kena ngerami taun baru sarinya kini...Cukup enda mereti bala chit tok...

Lelak bejalai maya cuti tok tadi...Bepun ari ke Sabah (tugasan separa rasmi) udahnya lalu terus bercuti...Sigi lain asai christmas ba menua orang wai..nadai utai penyamai christmas ba menua diri empu...Enti diberi pilihan, sigi aku ka mutar ke jam pulai baru lalu ngerami christmas ba menua diri empu...Cukup sinu ati maya christmas ba menua orang...kebuah pia laban ba menua diri empu sigi cukup rami...enti bisi kaban (enda milih kawan rapat ke, kawan suam2 kuku ke), nuan sigi di lalu datai ngagai rumah pangan diri lebuh maya christmas...Christmas kitai ditu enda tertutup ngagai family aja, tang ngagai bala kaban belayan, bala kaban (enda milih rapat tauka ke enda), pia mega ngagai sapa-sapa ke ka datai ke rumah....Enti bisi kaban datai ari menua bukai, kitai enggau ati ke cukup ransing mai sida ke rumah lalu ngau berami maya ari christmas...Baka kitai ke kurang utai, nadai bereta tengkira, ngau naka ke ulih meh mai kaban berami..nadai belalai ke pendiau diri...Munyi ke jako ke selalu disebut kitai Iban - "empa aja utai ke dikemisi, enti nadai anang nanya"...Lalu aku ulih ngaga kesimpulan, orang kitai sigi CUKUP MENTAS enggau temuai...Lalu KA KIRUH ngintu temuai enda milih nama bansa...Budaya kitai tu sigi cukup aku puji...Enti bisi bala temuai, ka utai kemisinya meh di bantai..tu ukai pengawa ke nunjuk-nunjuk ke pengaya pengeraja diri, tang ba penemu aku laban ke pengeransing ati ka nyambut temuai lalu ditambah ngau adat basa kitai ke cukup tinggi enggau temuai pia mega laban bansa kitai sigi cukup dikelala enggau pementas enggau temuai...Tpk pengalaman ke di temu/ di experience aku lebuh maya nyambut pengerami christmas ba menua orang...Suba maya belajar suba kala ga nyambut christmas ba menua orang tang enda tentu berasai laban bala kaban ke sama belajar bisi magang maya christmas lalu christmas disambut lebih kurang baka kitai ke nyambut ba Sarawak ditu..tang christmas taun tu sigi cukup berasai penyelai ia...Percaya tauka enda,NADAI invitation diterima kami sebuat maya christmas be menua orang sarinya tajapan bala kaban cukup mayuh be menuanya...Maksud ya, christmas bagi sida adalah untuk family aja ba menua sida din...Ulih kita meda penyelai iya...Tang enda ga kitai ulih kelalu mantap pengerami siti-siti menua, laban lain menua lain pengerami ia...Nadai ko enggau, nya meh pengalaman munyi ke jako bala kaban laut kitai....Cukup temegah ati laban aku tok IBAN lalu di ada ke ba menua SARAWAK - cukup budi basa, pementas ngau cukup adat...

Taun baru 2009 pun sama mega, disambut ba menua orang...Sama baka christmas, pengerami taun baru taun tok cukup penyelai...Mujur bisi kaban ke cukup sama kepala sama bisi mayanya...Thanks Mr. Iben, Dom, Win and Mond...Ila kitai bejalai baru...Ngagai Mr. Leo sebilik, terima kasih kaban ke layanan ti cukup first class...Enti Iban sigi Iban meh kih enda ngira dini alai endur kitai diau...Cukup MENTAS enggau temuai...