Abangku Pegi Enda Pulai Agi

4.12.2008 - Genap pukul 5.45am aku terdani laban handphone ke di silence aku vibrate alu terkena jari maya aku agi tinduk..baru ka meri hello tang orang kengagau udah ngengkah ke talipon...terus di check aku baru hanphone aku lalu dia aku meda mayuh amat "missed call" lalu kesemuanya ari bala madi aku...udahnya aku muka sms ke dikirum nephew aku..masalah ia smsnya enda meri message ke terang...sms berbunyi "amatka berita ke baru aku terima tadi?"....Berita?..pia ke aku bejako dalam ati...nama berita tok?...terus berteka teki aku...aku lalu berasai enda nyamai ati...jarang-jarang bala madi ngau diri sebilik begiga ke aku diniari baka tok...bedau sempat berunding jauh, handphone aku berbunyi baru...Aka aku ke di Miri talipon..."Hello", pia ke aku....Aka aku sempat nganu aku dulu nama kebuah enda nemu ngangkat ke talipon...lalu berita ke deka di padah alu empai disebut ia...Udahnya aku nanya, "Nama hal talipon tumu-tumu pagi"....Then baru ia madah,"Aba G udah nadai"..."What!", pia ke aku agi bedau percaya ko utai disebut ia...Tambah mega ngai ke salah dinga....Berumban amat ia ngengkah ke talipon laban ia ka talipon ngagai bala bukai ko ia....Aku alu angkat ari tinduk, tang agi bedau ulih nerima message aka ku tadi...Cuba nempik mua diri laban ke ngumbai diri bermimpi..Tambah mega agi sebungau bekau baru dani tinduk...Enda lama udahnya aka aku talipon baru...CONFIRM, abang aku memang udah nadai...Tang WHY?...nama kebuah tiba-tiba aja....Langsung enda sakit, termasuk nadai madah diri pedis pala, tiba-tiba ninga rita ia nadai...Ia nadai dalam tinduk...nyau pagi aka ipar aku nemu ia nadai...Nadai utai cukup ngasuh aku sedih laban teringat ke abang aku tok endang cukup mentas ngau bala madi, kaban belayan pia mega enggau orang bukai...Baru udah birthday ia bulan sebelas sarinya..Birthday ke-50...Agi kelalu biak ia pegi ninggal ke kami, ninggal ke bala anak,madi enggau indai ia...enti ia bisi rita sakit, mungkin kami udah bersedia..tapi tok langsung nadai madah diri empu pedis...Amat Tuhan sayau ke ia, tang sekurang-kurang beri meh masa ngambi ke kami ulih bejako ngau ia ke penudi sekali...Cukup belala begulai ngau abang akunya...Last bertemu ngau ia Gawai sarinya aja laban ia sigi nguan menua kami di Sebuyau...Nya ngasuh jarang-jarang ulih betemu ngau ia...Aku lalu pulai ke Sebuyau lemainya lebih kurang pukul 2.30pm laban ke nganti bala madi ari Miri...Nyau dinihari baru datai ba Sebuyau...Peda cukup mayuh bala kaban belayan datai...Mendiang abangku di intu selama 2 malam...ari satu baru mupok pulai ke Bintulu baru....Cukup sunyi asai leboh ngenang pemegi abang akunya...Ia cukup di sayau kebala madi ia laban ia cukup mentas ngau bala madi..cukup nda sayau ke utai leboh maya bala madi ia pulai ke menua (maya gawai/christmas)...enti ia nemu bala madi ia pulai, dia ia lalu kiroh begiga ke utai ti jarang di empa bala madi ia di negeri...Cukup gaga leboh bala madi ia pulai berami di rumah ia...Ngagai abang aku, mungkin enda sempat aku madah ke ia leboh maya ia agi idup...AKU CUKUP SAYAU KE IA....pemanah ngau pementas nuan madi sigi enda ulih dibalas enggau jako...cukup sinu enti leboh ngenang maya nuan ke udah nadai....semina aku besampi, ngambi ke nuan begulai ngau Tuhan di menua ke siti din..

For I am sure that neither death, nor life, nor angels, nor principalities, nor things present, nor things to come, nor powers, nor height, nor depth, nor anything else in all creation, will be able to separate us from the love of God in Christ Jesus our Lord.

Romans 8:38-39