BILIK BARU

Baru mindah ngagai rumah baru sari tok..Nyewa di bilik rumah ke baka dalam gambar di atasnya. Aku ngambi setahun dulu contract diau ditu. Cukup manah gak rumah tok ba aku. Bilik enda gak tentu besai tang cukup endur nyimpan barang-barang ngau alai tinduk. Rumah tok bisi 5 bilik. 4 bilik di atas alai landlord, student ari Singapore, Bangladesh ngau siti bilik endur student ari Indonesia. Bilik di baruh endur aku diau. Semua kelengkapan rumah disedia ka landlord magang. Jadi mai tubuh ngau baju ajalah mindah ke rumah tok. Taja pia bisi ga aku bebeli ke utai baka pinggai, sudu, mangkuk enggau gelas. Kauli kena berguring pun bisi ku beli tadi. Lelak amat bebeli ke utai sari tok. Sarinya terubah datai sigi enda bebeli ke utai laban sigi menumpang enda lama aja. Barang ditu kebatang ia murah enti enda di convert ngagai duit kitai. Jauh agi murah ari barang kita din. Tang enti bebeli ngena AUD alu convert ngagai duit kitai sigi amat mar ia.

Landlord cukup manah. Asal Landlord tok ari Indonesia tang udah 16 tahun diau ditu lalu ia udah nyadi warga Australia. Ngagai bussiness ditu. Malam tok tadi baru udah sponsor makai nasi goreng Malaysia ba Malaysian restaurant. hahaha..kena pau tauke. Manah amat seduai melaki bini so far. Enda nemu ila-ila meh. Area aku tok nyamai laban semak alai supermarket. Jalai kaki pun ulih ngagai supermarket. Nyadi enda tentu bisi masalah enti ka bebeli ke utai. Tusah diau ba menua orang wai, dini bisi kerita kediri empu. Ngai nda enggai public transport meh. enti rajin bejalai kaki. Semenjak datai ditu asai lelak amat laban ke udu bejalai kaki. Ka enda pia, bala kaban semua sigi bejalai kaki. Taxi enda ulih dikena. Mar amat. Manah ngambi tram tauka bus laban senang agi dua iti transportnya.

Pagi ila start tudah aku nurun ke U ngena Tram. Selama tok benung ke agi numpang ba Graduate House bejalai kaki aja ngagai U. Ok la, nyau pukul 10.30 malam kami ditu. Mata tumu amat ngantuk laban ke ari udu celap. Enda berasai mata ngantuk. Nyau nyadi orang mereti aku ditu. Enda pansut malam-malam. hahaha...Bah, mupok aku.

DIAU BA GRADUATE HOUSE 6 ARI

Tu meh gamal rumah endur aku diau selama enam ari tok...nama rumah tok Graduate House diperuntuk ke endur International student diau...Umbas ia pemanah gamal rumah tok tapi perlu share semua utai enggau bala orang ke diau ditu...Rega sewa ia cukup mar..6 ari ajak udah AUD228..Just imagine enti sebulan..Sedangkan bilik ai,dapur,tv room,laundry, computer room semua dikongsi enggau bala diau ditu...Paling mayuh ke diau ditu student ari India...Lalu sida tok cukup ragak enti maya malam ari...Malam kemari adalah puncak ia..Nyau batarauh ngau ketawa nyawa datai di langit..amat geram ati aku..Udah la maya mata ka tinduk...Laban kelalu geram, aku lalu mansut kediri meda nama pengawa sida ia...Paduhal palau member...Bela pala indu ngau laki...Baik gamal te bajik baka pretty zinta ka, aishwarya rai ka...tok enda nemu baka ni ka nyema...hahaha...cukup pedis ati...

Tang tok semina enda lama laban aku akan mindah ngagai sigi rumah...Rumah ti ka disewa akunya di empu taukeh ari Indonesia...Cukup besai rumahnya lalu enti ka masuk ke rumah enda ngena kunci, tang ngena thumb print...Akai dai, cukup canggih..hahaha..Tang jauh mimit ari U alai aku belajar...Diau ba Graduate House tok sigi enda agi..Maya aku ke nulis tok pun sida nyau batarauh di luar din..Nama utai ke banggat di gaga sida ia...Ka manjung nyin neh, ke padang luar rumah nyin...Naka tu dulu..Ila becerita baru..Nyau ngantuk mata..pengawa lalu empai digaga tok..Mupok aku

IDUP DI MELBOURNE

Udah tiga ari aku ditu...Nyau belubah-lubah gak tudah aku menyesuaikan dirik ngau suasana orang ditu...Nyau makin nyamai asai..Enda baka ke baru terubah datai sarinya...Tambah bisi kaban gaj udah dikelala...Malaysian ditu endang very helpful...Sampai aku meda bilik ke di sewa pun sida ka menemani...Kemari udah masuk kelas..Lain asai laban ke register dudi ari orang..Agi blur tudah aku laban orang nyau udah masuk minggu keempat udah..Tang enda ngawa, ila-ila olih meh catch up...

Enti pasal pemakai, no worry (munyi ke orang ditu)...Mayuh pemakai kitai ari asia...Ba U alai aku belajar mega bisi makanan Vietnam ngau Chinese food enggau harga ke patut...Pemakai sigi baka pemakai kitai (asi + lauk)..Bisi ga curry house ala2 mamak ba kitai di Malaysia...Pandak jako, pemakai sigi enda susah ditu...

Pasal tempat alai U aku tok, ia enda jauh ari Melbourne City..Lebih kurang 20-30 minit ngena Tram (utai tok baka LRT kitai ba Malaysia tang ia ba jalai raya sama ngau kereta semina ia bisi lalauan ia empu)...So, enti enggai jam ngena bus, tram tok meh paling nyamai di kena...Aku lalu bedau bisi berkesempatan ngagai town..Bisi mansa aja maya datai sarinya...Semak U tok bisi mega pasaraya tapi enda sehebat ba Town din...U alai aku belajar tok ala-ala UiTM Kota Samarahan...hehehe...Tang anang perasa laban dalam U tok bisi pun/bar...Siti ke ditemu aku Eagle Bar...Tutup nyentok 1 pagi..Siap bisi live band agi..hahaha....Ok la, ila betemu baru...mupok aku

DATAI BA MELBOURNE

Baru datai ba Melbourne pagi tok tadi jam lebih kurang 7.47 pago orang ditu tauka pukul 4.47 pagi jam kitai di Malaysia din (tumu 3 jam)..Cukup lelak asai isi laban ke travel ari Bintulu ari pukul 9 pagi. Nyau ka 24 jam dalam perjalanan aja...Datai ba airport di Mellbourne bisi orang ari University ngambi lalu di anjung ia ke Graduate House alai aku diau temporary..Udahnya aku lalu mandi sebedau nurun ngagai Faculty laban ka register..Mata cukup ngantuk tang perlu berumban ngagai Faculty laban aku dah laun register lebih kurang 3 minggu...Datai aku di Faculty, aku lalu bertemu ngau supervisor aku Prof. ari menua India. Udah berandau ia lalu ngasuh aku reegister dulu. Aku lalu ngagai International student empun department tang datai aku din enda ulih register pulak laban orang ke handle registration bercuti..Cuma ulih register ari empat ila...Enggai muai masa aku lalu ngadu ke utai baka berbuka ke account ba bank enggau meli phone number ditu ngambi ke nyamai berhubung ko jako laut...Pia mega aku ngambi broadband ngambi ke nyamai online...hehe...Nyau semak pukul 4 baru aku pulai ke bilik..Mata aku nyau megantuk tahap dewa...Makai semina nelan sigi burger aja...Sebedau pulai sempat ga aku napau curry chapi ngau asi...Makai cukup mar nti dipulai ngagai duit Malaysia..Burger sigi 5 dollar enggau ai bottle 2.50..semua ia 7.50..murah bagi orang ditu la laban duit sida besai ari kitai..enti pulai ngagai duit Malaysia lebih kurang 20.25...Sekali makai ajanya..nya pun semina burger, ukai makai order2 baka kitai ba Bintulu..Imagine nti 3 kali makai udah semak 70 ringgit sari...Tok meh ngasuh bisi ati ka ikat perut...hehe..Nda ulih makai lebih2 baka ka ba Bintulu...Datai di bilik lebih kurang pukul 4.30 aku lalu ngali ke diri lalu tinduk sampai ke pukul 7...Udahnya bisi kaban aku ke belajar ba Deakin University enda tentu jauh ari kami ditu talipaun madah ka ngabas aku kitu..Udahnya bisi amoi ari Miri ya ke sigi udah dikelala aku ari email talipaun mega...Amoi tok diau sama ngau aku ba Graduate House..Bilik takah 4 pintu ari alai aku diau...Baru nemu pangan diri diau enda jauh...Cukup manah amoi tok..Ia mayuh madah nama utai perlu digaga...Abis bertemu ngau amoi, kaban ari Deakin tadi datai lalu mai kaban indu laut siko ngau anak-anak ia..Aka tok belajar ngambi PhD mega ba U ke sama aku ditu..Saja ka datai ngelawa ko ia lalu ka bekala...Ia bisi betapau ke asi ngai ke aku bedau makai ko ia..Cukup mentas bala kitai nama udah ngejang ke menua...Bisi rindang ga ati laban udah bertemu ngau bala2 ke ditu...Pagi ila ka bertemu ngau mayuh agi bala ari Malaysia laban bisi meeting student Malaysia ba U alai aku belajar tok..Puji Tuhan laban udah ngemujur ke pengawa aku ke baru datai ba menua tok...ila berandau baru, nyau udah pukul 12.05 malam kami ditu..Bala kaban ba Bintulu kada benung lepak diatu laban ke baru pukul 9.05 din..Selamat lepak bala kaban..Anang enda ingat ke aku ke benung belelang tok...mupok aku

NURUN KE MELBOURNE

Saritok aku nurun ke Melbourne...Panjai amat pejalai saritok..Ari Btu-Kch-Klia-Melbourne...Abis sari tok kena ba bilun aja ...Pngelelak anang nyebut..Tok tengah lepak di klia semadi nganti bilun ke terebai malam legi...Ati bercampur gaur...Bisi rindu bisi gak sedih laban ke ninggal ke bala family enggau bala kaban...Pia mega menua orang ukainya sebaka ngau menua kitai..Tang nadai ko enggau, ngiga pengidup susah senang mesti di uji...Diatu pun udah start seilu-ilu..Sunyi amat asai laban ngelama tok enda kala sunyi baka tok...Laban bala kaban sigi sama jenis kera ke nadai beriko..Iko semina ba depan aja...hahaha...Ngajih ke semua mujur magang...Ngagai bala kaban ke tinggak,keep in touch...Selalu-selalu meh ngabas blog tok laban semua kan di update aku ba blog tok...Mupok aku

TERIMA KASIH KABAN

Aku ka meri terima kasih ti enda ulih di sebut ngagai bala kaban laban udah ngaga surprise so called farewell dinner malam ari enam sarinya...Kasih tudah aku kena tipu mantak-mantak di suruh orang ngena baju pink..Datai-datai malamnya semua bala kaban bekena ke baju chelum...Enda ngawa kaban, kita menang 1-0...hahaha...Nyau chengih-chengih gamal tudah aku ke bekena ke baju pink sedangkan orang semua sida bekena ke baju kaler chelum... Udah panduk sigi sedap-sedap magang..Terima kasih nesa,dom, davy and edwin ti udah nyadi tukang Q and tukang masak malamnya...Thank u yang, as usual, rumah nuan nyadi mangsa..Mr Ebin and Mr and Mrs Chris, terima kasih mayuh-mayuh mega laban ke udah cukup kiruh ngadu ke pengawa malamnya..Ngagai semua ke datai ngulu pengawa malamnya, terima kasih mayuh-mayuh...Sinu ati ka ninggal ke bala kita tang nadai ko enggau..Munyi ke lagu Johnny Aman, Pegi 3 tahun aja...hahaha..Ngagai bala kaban, anang kelalu manchal...Ben, badu agi ganjang2...hahaha...Ila betemu baru...Mupok dulu