Autumn Season

Benung musim "Autumn" kami di Australia ditu. Taja pia, cukup chelap maya diatu. Suhu sekitar 4 - 7 c. Pari tok tadi 3 c. Cukup chelap lebih-lebih agi maya pagi enggau malam. Enti di menua din kitai bekena ke aircond ngambi ke chelap, tang ditu bekena ke heater kena ngagat ke bilik tauka ka kereta. Cukup nyelai. Enda kala meda kereta kita ba menua din bekena ke heater. Pengujung bulan lima tok ila start musim winter. Enda nemu bakani gaya penyelap maya winter laban kediatu pun udah cukup chelap. Bisi ga bersedia bebeli ke dua tiga iti baju winter enggai ke bangat chelap mayanya ila. Mayuh ga baju winter ke murah tang kebanyakkan ia product China. Baju ke di import ari menua China cukup mayuh ditu. Mayuh tempat sigi berjual ke baju made in China magang. Enti local product enda tentu ulih di beli laban mar mimit. Ngai enda enggai meli product ari China meh. haha..Nadainya nyawa, janji bisi dikena aja.

Anzac Day

Ari enam ianya kemari (25/4/09), sida ba Australia ditu nyambut ari ke di kumbai Anzac Day. Ari Anzac Day tok udah diterang ke aku ba post ke udah. Basically, Anzac Day tok kira ngenang jasa bala tentera (kelebih agi bekas tentera ke kala ngari ke menua Australia berperang enda milih World War 1, 2 tauka dini-dini penyarut). Siti utai ke cukup ngasuh aku hairan enggau alit ati ianya baka aki (bekas tentera) ke berumur paling kurang 70 tahun agi cukup tegar enggau orang berbaris pama ia penyauh, pelaba aku bisi ka 3-4 km. Cukup di "appreciate" bala sida aki ke kala ngari ke menua Australia berperang. Cukup rindu meda bala sida berbaris lalu city mayanya endang penuh jamah mensia ke sama-sama ngulu pengawa tok.

Cuti umum 25 April (Anzac Day)

University tutup pagi ila 24 April laban "in lieu" ke Anzac Day ke di sambut orang ba Australia ditu ninting 25 April tiap taun. Laban Anzac Day tok disambut kena ari enam, nyadi cuti ganti ia kena ke pagi ila ba University kami ditu. Aku pun empai nemu nama utai ke di kumbai Anzac Day. Nitih ke cherita, “Anzac Day is a national public holiday in Australia and New Zealand and is commemorated by both countries on 25 April every year to honour members of the Australian and New Zealand Army Corps (ANZAC) who fought at Gallipoli in Turkey during World War 1 ”. Ari enam ila ka nurun ke Melbourne laban ke meda pengerami ke di kumbai orang ditu Anzac Day tok. Engka lebih kurang baka ari Pahlawan kitai ba Malaysia kini. Aku pun enda tentu nemu….Ila bercerita baru nama udah meda pengerami Anzac Day tok…Mupok dulu aku....

Melbourne City

Mayuh udah ngambi gambar Melbourne City. Bisi ke City baru ujung minggu tok tadi lalu bisi ngambi sekeda gambar. Semina ka bekunsi gambar ngau bala pemaca blog.

Pemakai Malaysia di Australia

Udah ka semak sebulan ba University ditok baru perasan bisi kedai 'Mamak Malaysia'. Nya nama kedainya. Tang ia ukai di empu mamak tapi cina. Engka cina malaysia kini. Pagi tok tadi maya mansa alai makai ke bisi ba U ditu, dia aku tepeda kedai tok. Selama tok mansa belama ditu tang enda ga perasan bisi kedai tok. Aku lalu nanya taukeh ke benung sibuk berapi, "nama tok kedai baru?" pia ko aku. Lalu di saut ia, "enda, udah 2 tahun aku bisnes ditu" ko iya. Mata udu ke bukai maya mansa ditu, nya kebuah enda tepeda ke sign board ke cukup besai madah ke nama kedai Mamak Malaysia. Gaga ati lebuh meda bungkus ke di tulis ia "nasi lemak". Alu di tanya aku, Nasi lemak tok?..."Auk" pia ko iya. Alu dibeli aku laban teteguk amat ke nasi lemak. Rega cukup murah, AUD 3.50 aja. Nti baka tok, tiap-tiap ari makai nasi lemak dia. Asai ia kira nyamai la laban lama enda makai nasi lemak. Kelimpah ari nasi lemak, kedainya bisi ga bejual mee goreng, nasi goreng, bee hoon goreng ngau bisi macam utai bukai. Mit aja kedai ia, engkanya aku enda perasan ngelamatu.

Mee kari ke ba gambarnya di empa aku ba Shopping mall ke bisi ditu sarinya. Kedai cina, tang engka cina ari China tauka Singapore. Cukup tetenguk aku ke laksa sarawak tauka mee kari. Lalu di order aku meenya. Asai ia enda jauh ari mee kari kitai din. Rega enda nemu agi nyebut laban ke ba mall. AUD 10 siti. Apuuu pia ko ati aku. Semadi ke tetenguk amat meh, enti enda nyamai aku makai utai bukai. Ditu pemakai cina sigi enda susah. Mau area baka sida Boxhill sigi alai sida cina berbisnes. Kawasannya lebih kurang baka Medan Jaya kitai ba Bintulu tang semua kedai sigi endur bansa cina bekedai.

Ari minggu ke empai lama aku bisi di bai kaban aku ngagai market Vietnam ko iya. Kumbai aku bula, tang udah aku datai din baru aku meda sigi amat. Menua tok pun baka Medan Jaya kitai din tang ia bisi market basah alai berjual sida ikan, manuk,capi, babi, sayur, buah ngau macam-macam agi. Kedai makai enggau grocery shop pun mayuh tang sigi ke nyelai ia, semua bansa Vietnam ke berniaga. Bisi ga bansa bukai tang kemayuh ia sigi bansa Vietnam termasuk berjual ba sebelah market. Nama tempat tok Footscray lebih kurang 5 km ari Melbourne City. Maioh orang Asia suka kitu laban mayuh product enggau pemakai kitai Asia ulih dibeli ditu. Sayau aku enda sempat ngambi gambar laban batery nyau udah ambis.

Bala Kaban ke semampai dalam ingatan

Tu meh antara gambar bala kaban ke semampai dalam pengingat belama. Enti lebuh maya sunyi, sinu ngenang bala kaban ke jauh diau di Bintulu din. Gambar - gambar tu maya farewell sebedau mupok ke Australia suba. Ngagai bala kaban ke jauh di Bintulu, ka madah ke bala kita, aku cukup lelengau ke kita. Taja pan baru berapa minggu tang cukup lelengau. Munyi ke jako orang, ujan batu ba menua diri empu, ujan emas ba menua orang, rindu agi ba menua diri empu. Enti jauh sigi asai ia, ukai semina rindu ke bala kaban, tang rindu ke bala sida indai, madi enggau anak-anak buah ke diau ba Miri, KL enggau Sebuyau din. Akaidai, asai ke udah lama ama t ngejang ke menua. Cukup enda betah asai ia. Nadai ko enggau, sigi gaya nama udah nyadi bujang lelang.

Ngagai bala family ngau kaban-kaban, ngaga diri enggau manah. Ngarap ke kita mujur dalam semua pengawa ke di gaga kita. Salam sayau enggau rindu selalu ngagai kita semua. Adiosss...

Sembahyang Bahasa Indonesia di Melbourne

Sembahyang ari minggu sarinya sempena easter day. Laban ke enda nemu penungga Church ba Melbourne ditu, ninga Landlord aku ka sembahyang lalu ditanya aku dini alai. Dia ia nyaut aku ba Gereja Katolik St. Paschal tang sembahyang Indonesia ko ia. Nama nuan ka enggau. Nyau baka orang ke ngantuk di surung bantal, aku lalu beguai nyaut ka. Alai Gereja tok ba menua ke dikangau orang Box Hill. Box Hill tok alai kedai bala cina ke diau ba Victoria ditu. Semua kedai ke diau ba Box Hill tok sigi ungkup bansa cina termasuk kedai makai, grocery enggau office-office. Udah di bai Landlord sekali makai malam ditu sarinya. Dia aku meda Box Hill tok asai ke ba menua China laban urang ke mayuh diau dia sigi orang cina. Pemakai enda jauh ari menua kitai din ke di panduk bala cina.

Pama meh sempat sembahyang ngenang ke pengangkat Jesus ari mati. Nya nyau berkhotbah aku...hehe...Parai kitai...Nyau puas begiga ke church ba sebelah internet tang enda sure dini alai . Enda jauh ari rumah ke disewa aku bisi meh Church tang enda nemu pukul berapa service ia. Udah datai ba Church, sigi baka ke udah dipelaba ka aku, 99 percent sigi orang Indonesia. Terpaksa la tudah aku buat-buat macam orang Indonesia tadi.. haha..sut amat..Laban ke sembahyang dalam bahasa Indonesia, nadai penanggul laban faham utai ko sida. Udah ambis sembahyang, sida lalu bisi bejual baka ke selalu di gaga ba St. Anthony ba Bintulu. Berjual ke utai pakai ngau macam-macam agi. Sempat gak ngau orang bebeli ke pemakai Indonesia. Nah, cukup naka tu dulu..Ila nyambung baru...mupok aku..

BEJALAI KE BALLARAT WILDLIFE PARK AND SOVEREIGN HILL

u

Bejalai ngagai menua ke dikumbai Ballarat ujung minggu ke udah. Menua tok lebih kurang 1.30 - 2 jam drive ari Melbourne. Mayuh tempat ke manah ke selalu di lawa temuai enti datai ke Melbourne kitu bisi ba Ballarat tok tang aku sempat ngagai dua iti tempat aja ianya Ballarat Wildlife Park enggau Sovereign Hill. Ba Park dia mayuh amat jelu tang ke paling ti ka dipeda aku ianya Kangaroo. Kumbai aku ganas jelu tok, enda nemu jinak amat baka ke megai bala udok enggau mayau ke di tupi kitainya. Cukup friendly enggau udu kuat makai. Mayuh macam jelu ke bisi dia termasuk koala.

Siti agi tempat ke di lawa aku ianya sovereign hill. Tempat tok sigi enda tau miss enti bejalai ke menua Ballarat. Antara tempat ke paling famous ba menua Australia ditu. Sovereign hill is a living museum representing Ballarat's first golden decade following the discovery of gold in 1851. It is set outdoors on 25 hectares of an early goldmining site. Ia baka sigi town enggau building ke original agi bisi tegap berdiri dia. Bala bekerja begari baka orang dulu-dulu kelia. Cukup manah tempat tok...

NITE IN MELBOURNE

Nguji lepak maya malam ba Melbourne malam ari enam ke udah. Cukup idup menua tok maya malam especially malam ari lima enggau malam ari enam. Mensia cukup mayuh lalu ba endur China Town ko aku ba post ke udah cukup mayuh mensia. Bar enggau club mega cukup mayuh. Tang bar sida lebih kurang baka music cafe kitai din concept ia. Nadai ga kala nguji ngagai bar ke bisi live band. Malamnya alai endur aku lepak bisi live band tang mensia kelalu mayuh. Enda tentu ulih di dinga serta di peda live band ia.

Conclusion, menua tok cukup rami lebuh maya malam ari. Ari lima terutama ia. Enda nemu baka ni ko malam ari lima tok ila, laban kami di Australia ditu cuti ari lima sampai ke ari satu minggu dudi. Tang pelaba aku mayuh bala orang ditu bejalai ke pulau tauka ngaga trip ngagai menua bukai ba Australia. Tudah aku tok alu bedau bisi plan. Nka ngetat ke diri di rumah kin.haha..Mupok aku

MELBOURNE CITY

Aku bisi nurun ke Melbourne City ari enam tok tadi sekumbang ke udah seminggu lebih diau ditu. Ka meda menua din kenu ko jako. Tempat U endur aku belajar tok enda tentu besai menua ia. Bala kaban madah enti Melbourne din baru besai. Nya semak ka pukul 11 aku lalu nurun ke City ngena Tram. Aku meli Monthly tram ticket lalu ia ulih dikena ngagai semua zone lebuh maya ujung minggu. Nya me penyamai ia, enda iboh bebeli ke tram ticket baru. Pejalai enti ngena tram ngagai Melbourne City lebih kurang 30-40 minit. Kebuah ia lama laban ba City din laluan tram sama enggau kereta. Enti kereta jam, tram pun jam mega. Enti ngena kereta pelaba aku enda sampai 30 minit. Cukup manah menua Melbourne wai. Amat ko bala kaban, cukup besai. Mensia sigi cukup ia pemayuh. Lemai nyau pukul 5 aku lalu betemu ngau kaban aku lalau dibai ia makai ba China town. Dini-dini endur sigi bisi China town. Cukup mayuh bansa tok belelang ba serata dunia. Pemakai ia nyamai gak laban ke di panduk cina Hong Kong ko kaban aku. Tang siti masalah ia, perlu beratur dulu makai ditu laban ka ngambi turn. Restaurant ditu mayuh, tang enti chinese food sigi semampai penuh especially ujung minggu. Nya kebuah perlu ngambi turn dulu. Kadang-kadang ko kaban aku sampai 30-40 minit nganti baru ulih masuk ngagai restaurant.

Udah makai aku lalu ngambi kesempatan berjalai-jalai lalu sambil-sambil ngambi gambar. Mayuh gambar di ambi tang aku rindu ke gambar-gambar building lama ba sekitar Melbourne ditu. Gambar ke di attached ditu sekeda gambar ke di ambi aku maya ujung minggu sarinya. Mayuh agi, ila upload baru.